Home / Wararka Maanta / Guddida Qandaraasyada oo Madal Furan ku soo Bandhigay Tartan Dhexmaray 20 Shirkadood

Guddida Qandaraasyada oo Madal Furan ku soo Bandhigay Tartan Dhexmaray 20 Shirkadood

Guddiga qandaraasyada qaranka jamhuuriyadda Somaliland ayaa shalay magaalada Hargeysa ku soo bandhigay tartan qandaraas oo loo gelay dhismaha xarunta kaydka raashinka qaranka Somaliland, tartankaasi oo ahaa mid daah furay ayaa waxaa ka qayb qaatay labaatan shirkadood oo kuwa dhismaha ah.

 

Guddoomiyaha hay’adda ka hortaga aafooyinka iyo kaydka raashinka qaranka Somaliland, Faysal Cali Sheekh ayaa madashaashi ka hadlay, waxaanu yidhi “Farxad ayey noo tahay ka hay’add ahaan, in aanu si heer sare ah u dalbano hool loo dhisayo kaydka raashinka oo aanu ugu talo galnay inuu noqdo hoolkii kaydka raashinka qaranka oo runtii muhiimad weyn leh, sababta hawshan tartanka loo gelayaana ay noqoto wax cad oo xalaal ah.”

 

Guddoomiyaha guddiga qandaraasyada qarannka Somaliland mudane Nuux Maxamed Xuseen, ayaa isaguna madashaasi hadal ka jeediyay, waxaanu yidhi “Anagu waxa aannu nahay maxkamad iyo garsoor, in badan ayaanu ku celcelinay waxa aanu idiin ballan qadaynaa tartan hufan oo dhexdhexaad ah, maantana waxaan idiin sheegaynaa in aan idiin ballan qaadayno in aan si caaddalad ah oo dhexdhexaad ah aanu idiin ku soo bandhigno shirkada ku guulaystay, waxaanan idiin sheegaynaa wixii tartan ah ee yimaada in aanu si caddaalad iyo hufnaana idiinku garsoornayno.”

About Ridwaan Bukhaari

Leave a Reply

Your email address will not be published. Required fields are marked *

*

x

Check Also

Xasan Sheekh Maxamuud Oo Ka Qayb Galay Fadhigii Golaha Baarlamaanka Somaliya.

Madaxweynihii hore ee Jamhuuriyadda federaaliga ah ee Soomaaliya Xasan Sheekh Maxamuud ayaa maanta ka qayb-galay ...