Puntland Oo Wada-hadallo Diyaar Ula Ah Somaliland (Akhri)

Puntland Oo Wada-hadallo Diyaar Ula Ah Somaliland (Akhri)

Koox Islaamiyiin Ah Oo Gawracay 11 Qof Oo Kiristaan Ah (Akhri)
Dibadbaxyo Ka Bilaabmay Tehran Kadib Ku Lug-lahaanshihii Toogashada Diyaarada Rakaabka
Jigjiga: Jeel Dadka Lagu Ciqaabi Jiray Oo Laga Dhigayo Madxaf
Madaxweynaha Somaliland Oo Si Diiran Loogu Soo Dhaweeyey Dalka
Saddex Qof Oo Ku Dhaawacmay Dagaal Ka Dhacay Fadhigaab Oo Ka Tirsan Gobolka Sanaag

Garoowe (HCTV) – Madaxweynaha Maamul-gobolleedka Soomaaliyeed ee Puntland, Siciid Cabdillaahi Deni ayaa sheegay inay diyaar u yihiin Wada-hadallo ay Somaliland kala yeeshaan khilaafka dhuleed ee Muddada dheer u dhexeeyay.

Madaxweynaha Puntland oo hadal ka jeediyey Munaasibad lagu qabtay Magaalada Garoowe ayaa sheegay inay Maamul ahaan diyaar u yihiin inay Somaliland ka wada-hadlaan khilaafka la xidhiidha mulkiyadda Gobollada Sool, Sanaag iyo Buuhoodle oo Xuduud ahaan Somaliland ka tirsan, balse Puntland ay sheegato.

Madaxweyne Deni oo Arrimahaa ka hadlayaana wuxuu yidhi “Farriinta u horraysa waxaan u dirayaa Somaliland, Shaadhkaaga waa lagugu qabsan karaaye Dhulka Puntland ee ay hadda ku xad-gudubsan tahay Wada-hadal iyo nabad inaanu ku dhamayno oo ay ku gar-naqsadaan ayaanu ugu baaqaynaa.”

Madaxweynuhu waxa kale oo uu sheegay “Wax  Mugdi ku jira maaha, Waxaanu diyaar ugu nahay Wada-hadal dhab ah oo Nabad waarta ka dhaliya Geyiga in laga gaadho diyaar baanu u nahay.”ayuu yidhi.

Hadalka Madaxweynaha Puntland ayaa ku soo beegmaya xilli ay Degmada Tuke-raq ee Gobolka Sool isku hor-fadhiyaan Ciidammada Somaliland iyo kuwo Puntland oo dhowr jeer aaggagaasi ku dagaalamay.

Dawladda Somaliland ayaa dhawaan siidaysay Illaa 14 Maxbuus oo Puntland lagaga qabsaday dagaalkii u dambeeyay ee ka dhacay Tuke-raq, halka Puntland-na sidiaysay 3 Maxbuus.

 

Horn Cable Tv

Waaxda ONLINE-ka

COMMENTS

%d bloggers like this: