Puntland Oo Xidhay Badhasaab Ku-xigeenkii Somaliland U Joogay Badhan

Puntland Oo Xidhay Badhasaab Ku-xigeenkii Somaliland U Joogay Badhan

Dagaalka Sokeeye Ee Baraha Bulshada !!
Raysal Wasaaraha Somalia Oo Masuuliyiin Ka Socday Q/M Iyo Baanka Aduunka Kulan Kula Yeeshay Baydhabo
Awdal: Nin Meyd Ah Oo Laga Helay Seeraha Boorama
Madax-dhaqameed Hargeysa Jooga oo Baaq u Diray Xeraale
Wasiirka Horumarinta Caafimaadka Oo Dhagax Dhigay MCH Laga Dhisi Doono Xafadda Hodan Hills.

Badhan (HCTV) – Ciidammada Maamul-gobolleedka Soomaaliyeed ee Puntland u jooga Degmada Badhan ayaa xidhay Badhasaab ku-xigeenka Somaliland halkaa u jooga.

Weriyaha Telefiishanka Horn Cable Tv u jooga Magaalada Badhan, ayaa soo sheegaya in Ciidammada Puntland ee Badhan ku sugan ay xidheen Badhasaab ku-xigeenka Somaliland ee Gobolka Badhan, Cabdiraxmaan Axmed.

Illaa hadda lama oga sababta Puntland u xidhay Badhasaab ku-xigeenka Somaliland u jooga Badhan, maaddaama oo awalba Masuuliyiin kala matalaya labada dhinac ay Magaalada Badhan wada joogi jireen.

Dawladda Somaliland weli kama hadal Xadhigga Puntland kula kacday Badhasaab ku-xigeenkii u joogay Badhan, balse Xidhiidh uu Telefiishanka HCTV la sameeyay Badhasaabka Somaliland ee Badhana ma suurto-gelin inuu nala hadlo.

Sidoo kale, Puntland ayaan ka hadal Xadhigga Badhasaab ku-xigeenka Somaliland, laakiin Arrintan ayaa sawir ka bixinaysa in dagaalka siyaasadeed ee Somaliland iyo Puntland ku dhex maraya Badhan uu isa soo tarayo.

 

Horn Cable Tv

Waaxda ONLINE-ka

 

COMMENTS

%d bloggers like this: