Shirkii Golaha Wasiirrada Somaliland Oo Lagu Ansixiyey Siyaasada Qaran Ee Shaqo Carbinta

Shirkii Golaha Wasiirrada Somaliland Oo Lagu Ansixiyey Siyaasada Qaran Ee Shaqo Carbinta

Kenya Oo Qabatay 14 Gaadhi Oo Kuwa Raaxada Ah Oo Dalkeeda Lala Soo Galay
Puntland: Roobab Sababay Dhimasho Oo Da’ay Iyo Guddi La Magacaabay
Shir-nabadeed Ka Furmay Degmada Saax-dheer Ee Gobolka Sool
Kenya: Dadka Uu Haleelay Coronavirus Oo Gaadhay 158 Qof
Xukuumada Somaliland Oo WADDANI Ku Eedaysay Inuu Xagal Daac Ku Hayo Doorashooyinka

Hargeysa, (HCTV) – WAR-SAXAAFADEED- “Kal-fadhigii 44-aad ee golaha wasiirradda Jamhuuriyadda Somaliland oo uu shir-guddoominayey Madaxweynaha Jamhuuriyadda Somaliland, Mudane Muuse Biixi Cabdi, kuna wehelinaayey madaxweyn-k-xigeenka Somaliland, Mudane Cabdiraxmaan Cabdilaahi Ismaaciil (Saylici), ayaa maanta lagu ansixiyey siyaasadda qaran ee shaqo carbinta, waxaana warbixin lagaga dhegeystay xubno kamid ah golaha wasiirrada.

Ugu horrayn waxa golaha warbixin la xidhiidha amniga dalka ka jeediyey wasiirka arrimaha gudaha Somaliland oo ku dheeraaday xaaladda guud ee nabadgelyada dalka.

Sidoo kale, waxa goluhu dood dheer iyo falanqayn ka yeesheen wax-ka-beddelka iyo kaabista xeerka shaqaalaha rayidka ah xeer Lr.31-2004 oo mar kale loo ballamay ansixintiisa.

Waxaanu goluhu ansixiyey siyaasadda qaran ee shaqo carbinta oo ay soo diyaarisay wasaaradda shaqo gelinta, arrimaha bulshada iyo qoyska.

Ugu danbayn waxa golaha lagu soo bandhigay hirgelinta nidaamka wax wada lahaanshaha dawladda iyo shacabka (public private partnership) “PPP”, waxaanu goluhu u saaray guddi soo diyaarisa.

ALLAA MAHAD LEH

Maxamuud Warsame Jaamac

Af-hayeenka Madaxweynaha JSL.

HORN CABLE TV,

WAAXDA ONLINE-KA.

COMMENTS

%d bloggers like this: