Madaxweyne Biixi Oo Amaanay Guddigii Hore Ee Doorashada Oo Uu Maanta La Kulmay

Madaxweyne Biixi Oo Amaanay Guddigii Hore Ee Doorashada Oo Uu Maanta La Kulmay

600.000 Kun Oo Reer Yurub Ah Oo Doonaya Inay Ku Sii Noolaadaan UK
Wararkii U Dambeeyay Weerar Lagu Qaaday Masaajid Ku Yaalla London
Madaxweyne Farmaajo Oo Ka Hadlay Qarax Lagu Hoobtay Oo Muqdisho Ka Dhacay
Imaaraadka Oo Deeq Caafimaad Ku Wareejiyay Dalka Soomaaliya
Sadio Mane Oo Ku Guulaystay Ciyaaryahanka 2019-ka Ugu Wanaagsan Kubadda Cagta Afrika

Hargeysa (HCTV) – Madaxweynaha Somaliland, Mudane Muuse Biixi Cabdi oo ay wehelinayeen Madaxweyne ku-xigeenka iyo Guddoomiyeyaasha Goleyaasha Wakiillada iyo Guurtida ayaa kulan la yeeshay Guddigii hore ee doorashooyinka Qaranka, kuwaasi oo muddo-xileedkoodu dhamaanayo bishan.

Sidaana waxa lagu sheegay War Qoraal ah oo Maanta ka soo baxay Aqalka Madaxtooyada, kaasi oo u qornaa sidan “Madaxweynaha Jamhuuriyadda Somaliland, Mudane Muuse Biixi Cabdi, ayaa maanta kulan xafiiskiisa kula qaatay guddidii hore ee komishanka doorashooyinka qaranka oo muddo-xileedkoodu dhammaanayo 29-11-2019-ka, waxaana madaxweynaha kulanka ku wehelinayey madaxweyne-ku-xigeenka Jamhuuriyadda Somaliland, Mudane Cabdiraxmaan Cabdilaahi Ismaaiil (Saylici) iyo guddoomiyeyaasha goleyaasha guurtida iyo Wakiillada, Mudane Saleebaan Maxamuud Aadan iyo Mudane Baashe Maxamed Faarax.

Kulankan dhex maray Madaxweynaha iyo shir-guddoonka goleyaasha Guurtida & wakiillada iyo xubnaha Komishankii hore ee doorashooyinka qaranka ayey ujeeddadiisu ahayd is-xogwaraysi la xidhiidha sidii xilkasnimada iyo hufnaanta lahayd ee ay u guteen waajibaadkii qaran ee saarnaa, una qabteen diiwaangelintii cod-bixiyayaasha iyo doorashadii Madaxtooyada.

Xubnaha Komishankii hore ee Doorashooyinka qaranka, ayaa madaxweynaha iyo shirguddoonka goleyaasha guurtida iyo wakiillada uga mahadceliyey kulanka ay la qaateen, waxaana ay tilmaameen in   shaqadii ay soo qabteen ahayd  masuuliyaddii loo igmaday  iyo waajibaad qaran oo ay u guteen si Dastuuri ah.”

 

Horn Cable Tv

Waaxda ONLINE-ka

COMMENTS

%d bloggers like this: