Hargeysa: Shirkii Golaha Wasiirrada Oo Xeerar Lagu Ansixiyey

Hargeysa: Shirkii Golaha Wasiirrada Oo Xeerar Lagu Ansixiyey

Maxkamada Gobolka Maroodi-Jeex Oo Xukun Ku Riday Suxufi Cabdimaalik
Maxkamada Ciidamada Somalia Oo Xukun Dil Ah Ku Riday Xubin Katirsan Daacish
Muqdisho: 3 Carruur Ah Oo Gaajo U Geeriyooday
Hindiya Oo Ka Codsatay Malaysia Inay Usoo Gacan Galiso Dr Zakir Naik
Askari ka Tirsan Ciidanka Somaliland oo lagu Qabtay Khamri Badan.

Hargeysa (HCTV) – Shirkii Golaha Wasiirrada ee Somaliland ayaa Maanta lagu ansixiyey xeerar kala duwan.

Sidaana waxa lagu sheegay War-saxaafadeed uu ku saxeexan yahay Afhayeenka Madaxweynaha, kaasi oo u qornaa sidan “Fadhigii 50-aad ee golaha wasiirrada Jamhuuriyadda Somaliland oo uu shir-guddoominayey Madaxweynaha Jamhuuriyadda Somaliland, Mudane Muuse Biixi Cabdi, kuna wehelinaayey Madaxweyne-ku-xigeenka Somaliland, Mudane Cabdiraxmaan Cabdilaahi Ismaaciil (Saylici), ayaa lagaga dooday laguna ansixiyey xeerar kala duwan oo muhiim u ah qaranka, iyada oo kuwo kalena lagu qaybiyey.

Fadhigii golaha wasiirrada ee maanta ayaa lagu ansixiyey laba xeer oo kala ah qabyo-qoraalka xeerka liisamada ganacsiga iyo qabyo-qoraalka xeerka Aas-aaska hay’adda caymiska qaranka.

Sidoo kale, waxa golaha loo qaybiyey  nuqullada qabyo-qoraalka xeerka shaqaalaha dawladda oo ay soo diyaarisay hay’adda shaqaalaha dawladdu, iyada oo nuqullo kamid ah siyaasadda qaran  ee maal-gashiga loo  qaybiyey golaha.

Ugu dambayntii waxa ay golaha wasiirradu guddi u saareen xeerka Baananka oo muddooyinkii ugu dambeeyey golaha hor yaallay, si ay daraasad dheeri ah ugu soo samayso xeerkan muhiimka u ah qaranka.”

ALLAA MAHAD LEH

Maxamuud Warsame Jaamac

Af-hayeenka Madaxweynaha JSL.

 

COMMENTS

%d bloggers like this: