Madaxweyne Farmaajo Oo Kulan La Qaatay Guddida QM Ee Cunaqabateynta Hubka

Madaxweyne Farmaajo Oo Kulan La Qaatay Guddida QM Ee Cunaqabateynta Hubka

R.W Khayre Bogaadiyay Dhalinyaradda Soomaaliyeed
War-bixin: Tirada Maxaabiista Somaliland Ku Xidhan Iyo Xaaladda Saldhiyada Booliska
Madaxweyne Farmaajo Oo Shacabka La Kulmay Xili Muqdisho Rayid Lagu Laayey
Madaxweynaha Somaliland Oo Soo Dhaweyn Ka Diiran Ka Faa’iiday Dhawaaqii Soomaaliya Ee Gini
Suldaanka Guud Ee Somaliland Oo Ka Dareen-Celiyey Hadalkii Madaxweyne Biixi

Muqdisho, (HCTV) – Madaxweynaha Jamhuuriyadda Federaalka Soomaaliya, Maxamed Cabdullaahi Farmaajo oo kulan la qaatay Guddida Qaramada Midoobay ee cunaqabateynta hubka Soomaaliya ayaa la wadaagay warbixin ku saabsan deegaannada Dowladdu ay ka xoreysay argagixisada Alshabaab, qorshaha dib u habeynta Ciidamada Xoogga Dalka iyo dagaalka lagu dabar-gooynayo fikirka xagjirnimada.

Madaxweynaha ayaa u soo jeediyey Guddiga Qaramada Midoobey ee cunaqabateynta hubka Soomaaliya oo uu hoggaaminayey Danjiraha dalka Belgium Mudane Marc Pecsteen in dib u eegid lagu sameeyo nidaamka cunaqabataynta saaran dalkeenna, iyadoo lagu jaan-gooynayo taageerada muhiimka u ah ciidamada Soomaaliyeed, si ay u soo afjaraan dagaalka argagixisada lagaga sifeynayo dalka.

Sidoo kale, Madaxweyne Farmaajo ayaa dul istaagay dadaallada wax-ku-oolka ah ee Dowladdu ay ku mideysay qorshaha wadajirka ah ee dalka lagaga xoreynayo Alshabaab, diyaarinta sharciyada lagu wiiqayo ilaha dhaqaale ee argagixisada iyo dhismaha Xafiisyada Amniga Qaranka ee heer Federaal iyo heer Dowlad Goboleed.

Madaxweynaha Jamhuuriyadda ayaa uga mahadceliyey Golaha Ammaanka iyo Guddiga Qaramada Midoobay ee cunaqabateynta hubka sida ay uga go’an tahay taageerada Dowladda iyo shacabka Soomaaliyeed, gaar ahaan dhinaca nabadeynta iyo xasilloonida waarta.

HORN CABLE TV,

WAAXDA ONLINE-KA.

COMMENTS

%d bloggers like this: