Madaxweyne Biixi iyo Guddoomiye Cirro Oo Xalay Ku Kulmay Addis Ababa

Madaxweyne Biixi iyo Guddoomiye Cirro Oo Xalay Ku Kulmay Addis Ababa

Eritrea Oo U Dabaal Degaysa 28 Guurada Ka Soo Wareegtay Maalinta Madaxbanaanidooda
Somaliland Iyo Faransiiska Oo Ka Wadahadalay Arimaha Duulista Hawada
Shirka Iskaashiga Soomaaliya Oo Galinka Dambe Ee Maanta La Soo Gabagabeynayo
Soomaaliya Oo Dib U Furaysa Duulimaayadii Ay U Joojisay Cabsida Covid_19
SAWIRRO: Dadkii Ku Geeriyooday Roobkii Xalay Ee Hargeysa Iyo Khasaaraha Kale Ee Ka Dhashay

Hargeysa (HCTV) – Madaxweynaha JSL Muuse Biixi Cabdi iyo guddoomiyaha xisbiga Waddani Cabdiraxmaan Maxamed Cabdillaahi (Cirro), ayaa xalay kulan ku yeeshay magaalada Addis Ababa ee dalka Itoobiya oo ay labadooduba ku suganyihiin.

Ma jiro war rasmi ah oo kulankaas laga soo saaray, laakiin warar xogogaala ah ayaa Geeska Afrika u xaqiijiyay in Madaweyne Biixi iyo guddoomiye Cirro ay xalay isku horfadhiisteen kulan casho ah oo ka dhacay hoteelka uu Madaxweynuhu degenyahay, waxaana kulanka ku weheliyay Wasiirkii hore ee arrimaha dibadda Somaliland Dr. Maxamed Biixi Yoonis oo hadda ka tirsan Waddani, Wasiirka xanaanada xoolaha iyo kalluumaysiga Siciid Sulub Maxamed iyo odayaal kale oo reer Somaliland ah.

Kulanka oo ay albaabadu u xidhnaayeen, ayaan si rasmi ah loo garanayn qodobada ay ka wada hadleen Madaxweynaha iyo guddoomiyuhu, waxaase la filayaa inay ka wada hadleen xaaladaha siyaasadeed ee hadda dalka ka taagan, gaar ahaan qaddiyada guddiga doorashooyinka oo caqabad ku noqotay in doorasho dalka ka qabsoonto.

Kulankii u dambeeyay ee dhex maray Madaxweyne Biixi iyo labada guddoomiye mucaarad ayaa ahaa 26 December 2019  markaas oo uu burburay kulankaasi, ka dib markii la isku fahmi waayay fulinta labadii qodob ee ay guddiga dhexdhexaadintu ka soo saareen khilaafka ka dhashay guddiga doorashooyinka.

 

 

Horn Cable Tv

Waaxda ONLINE-ka

 

COMMENTS

%d bloggers like this: