Madaxweyne Biixi Oo Aan Weli Qaabilin Safiirka Shiinaha Oo Laba Maalmood Jooga Hargeysa

Madaxweyne Biixi Oo Aan Weli Qaabilin Safiirka Shiinaha Oo Laba Maalmood Jooga Hargeysa

Sucuudiga Oo Loogu Baaqay Inuu Joojiyo Dilka Wiil Shan Sano Ka Hor La Xidhay
“Nin Suxufi Ah Oo Berbera Deganaa Ayaa Diinta Kiristaanka Faafinayey” G. Guurtida
Madaxweyne Biixi Oo Guurtida Dib Ugu Celiyey Mid Ka Mid Ah Laba Xubnood Oo Loo Soo Xulay Komiishanka Cusub Ee Doorashada
Wasiirro Dhexdhexaadin Ka dhex Wada Beelo Dhawaan Ku Dagaalamay Gobolka Selel
“Annagu Cadow Ma Nihin, Laakiin Dagaal baa La Nagula Jiraa..” Xisbiga WADDANI

Hargeysa (HCTV) – Safiirka dalka China u fadhiya magaalada Muqdisho ee dalka Soomaaliya danjire Qin Jian oo labadii maalmood ee u dambeeyay ku sugan magaalada Hargeysa ee caasimadda Somaliland ayaan weli la kulmin Madaxweyne Biixi.

Danjire Jian, oo hoggaaminaya diblomaasiyiin ka tirsan safaaradiisa Muqdisho ayaa Sabtidii socdaal ku yimid magaalada Hargeysa, si uu dawladda Somaliland ugala hadlo xidhiidhka cusub ee Somaliland iyo Taiwan dhex maray oo uu safiirku si kulul u cambaareeyay.

Hase yeeshee, danjire Jian ayaa saddex maalmood oo uu Hargeysa joogay aan weli la kulmin Madaxweyne Biixi, waxaana Safiirka qaabilay wasiir ku xigeenka arrimaha dibadda, iyadoo uu wasiirka arrimaha dibaddu dalka ka maqan yahay.

Si rasmi ah looma garanayo sababta keentay in Safiirku arki kari waayo madaxweyne Biixi, laakiin waxa la dareensanyahay in dawladda China doonayso inay Somaliland weydiisato inay ka baxdo xidhiidhka cusub ee Taiwan.

Dawladda China ayaa si weyn uga hortimid, una cambaaraysay bilowga xidhiidhka Somaliland iyo Taiwan oo gaadhay heerka ah inay wakiilo is weydaarsadaan. Wakiilka ay Taiwan u soo magacowday JSL ayaa ku sugan Hargeysa, iyadoo la filayo in wakiilka ay Somaliland magacowday uu isna dhawaan u ambo baxo Taiwan.

Hargeysa ayaa maalmahan noqotay caasimad martigelisay laba diblomaasi oo kala socda China iyo Taiwan oo si weyn isu haya.

 

Horn Cable Tv

Waaxda ONLINE-ka

Xigasho: Geeska Afrika

 

COMMENTS

%d bloggers like this: