Suudaan: Al-bashiir Walaaladii Oo Xabsiga Loo Taxaabay

Suudaan: Al-bashiir Walaaladii Oo Xabsiga Loo Taxaabay

Qarax Ismiidaamin Ah Oo Ka Dhacay Dhuusa-Mareeb
Maxamed Mursi oo Geeriyooday isagoo Maxkamad Saaran.
Afrika: Shacabka Guinea-Bissau Oo Saaka U Dareeray Doorashada Madaxweynaha
Kulanka Madaxda Maamul Goboleedyada Somalia Oo Soo Idlaaday.
Berbera Shaqaale Ajaaniba Oo Maxkamada Gobolka Saaxil Xukuno Kala Duwan Ku Riday

Khartoum (HCTV) – Milletariga Dalka Suudaan ayaa Xabsiga u taxaabay laba Nin oo ay Walaalo yihiin Madaxweynihii xilka laga tuuray ee Dalkaasi, Cumar Xasan Al-bashiir.

Shams al-Din Kabashi oo ah Afhayeenka Millateriga sida ku meel-gaadhka ah xukunka Suudaan gacanta ugu haya, ayaa Arbacadii Saxaafadda u sheegay in Xabsiga loo taxaabay Abdullah iyo Abbas Hassan al-Bashir.

Afhayeenku wuxuu sheegay in labada Nin lagu eedeeyay inay abaabulayeen kacdoono lid ku ah Xadhigga Cumar Xasan Al-bashiir oo Toddobaadkan loo dhaadhiciyey Xabsiga Kobar, ka dib muddo uu ku jiray Xabsi guri.

Warku ma sheegin halka lagu xidhay labada Nin ee ay Walaalaha yihiin Cumar Xasan Al-bashiir, laakiin AP ayaa sheegtay in Wasiir ka mid ahaa Xukuumaddii Al-bashiir u xaqiijiyey in Al-bashiir loo wareejiyey Xabsiga Kobar.

Sidoo kale, Al-jazeera ayaa sheegtay in Nin ka mid ah Askarta ilaalada ka ah Xabsiga Kobar uu arkay Cumar Xasan Al-bashiir oo Xabsiga la keenay “Waan arkay Madaxweyne Al-bashiir oo ay wadaan Saraakiil badan oo Ciidan..” ayuu yidhi.

Xadhigga labadan Nin ee ay Walaalaha yihiin Al-bashiir ayaa imanaya xilli ay magaalada Khartoum ka sii socdaan Dibed-baxyo lagu dalbanayo in Milletarigu uu xukunka ku wareejiyo Rayidka.

 

Horn Cable Tv

Waaxda Online-ka

 

 

COMMENTS

%d bloggers like this: