Qiimaha Shidaalka Oo Kor Uga Kacay Imaaraadka

Qiimaha Shidaalka Oo Kor Uga Kacay Imaaraadka

Hooyo Nadiifiso Ahayd Oo Dhawaan Shaqo Laga Eryey Oo Hay’adda Barakacayaasha Somaliland Shaqo Ka Heshay
Laba Qarax Oo Gilgilay Muqdisho
Wasiirka Arimaha Dibada Ethiopia Oo Raysal Wasaare Ku Xigeenka Somalia Ku Soo Dhaweeyey Shirka Tana
Dawladda Kanada Oo Ka Hadashay Haween Lagu Xidhay Hargeysa
Iran Oo Soo Saartay Waaran Lagu Xidhayo Trump, Interpol-na Waydiisatay Inay Ka Gacan Siiso

UAE (HCTV) – Qiimaha Shidaalka ayaa kor uga kacaya Dalalka Khaliijka carabta, gaar ahaan Isu-tagga Imaaraadka Carabta.

Guddiga Qiimaha u goysa Shidaalka ee Isu-tagga Imaaraadka Carabta, ayaa Isniinta Maanta ku dhawaaqay in Qiimaha Qiimaha Shidaalka kor loo qaaday isla-markaana kor u kacaasi uu dhaqan-gelayo 1-da bisha Shanaad ee sannadkan 2019.

Qiimaha Dalalka Shidaalka soo saara ee la isku yidhaahdo OPEC ayaa 26-kii bishan Aprill waxay Foostada Shidaalka ahi siinayeen $ 72.38 dollars, laakiin Maalmihii ka dambeeyay waxa Qiimuhu kor ugu kacay $ 74.4 Dollars.

Imaaraadka, Halka Litir ee Petrol-ka ah waxa lagu daray 25 Filis oo dollar, halka Halka Litir ee Diesel-ka ah lagu kordhiyey 4 filis oo Dollar.

Halka Litir ee Diesel-ka ah ayaa bishan Aprill wuxuu ka marayey Suuqyada Imaaraadka Carabta 2.49 (Lacagta Imaaraadka), laakiin hadda wuxuu ku booday 2.53 Lacagta Imaaraadka ah, taasi oo ka dhigan in Qiimaha Shidaalku uu boqolkiiba 9 kor u kacay.

Kor u kaca qiimaha Shidaalka ayaa loo aanaynayaa inay sabab u tahay Cunaqabaynta Dawladda Maraykanku ku soo rogtay Dalka Iiraan, cunaqabatayntaas oo ay qayb ka tahay inaan IRAN wax shidaal ah dibedda u dhoofin karin, inkasta oo uu Trump qoraal uu ku baahiyey Twitter-ka ku sheegay inuu Dalalka OPEC oo Sucuudigu ka mid yahay kala hadlay inay hoos u dhigaan qiimaha shidaalka.

 

 

 

 

COMMENTS

%d bloggers like this: