Maxkamadda ICC Oo Doonaysa In Loo Gacan-geliyo Al-bashiir

Maxkamadda ICC Oo Doonaysa In Loo Gacan-geliyo Al-bashiir

SAYLICI Oo Daah-furay Shirka Horumarinta Tijnoolojiyadda Oo Hargeysa Lagu Qabtay
Akhri: Madaxweynaha Somaliland Oo U Ambo-baxay Dalka Gini
Madaxweynaha Somaliland Oo Tacsi U Diray General Cabdiraxmaan Fooxle Oo Maanta Hargeysa Lagu Aasay
Soomaaliya iyo Masar oo Caafimaadka iska Kaashanaya.
Erdogan Oo ‘Dhac’ Ku Sheegay Diyaarado Dalkiisu Maraykanka Ka Iibsaday Oo Aan Weli Lagu soo Wareejin

Hague (HCTV) – Madaxa Maxkamadda Dambiyada Caalamiga ah ee Magaceeda loo soo gaabiyo ICC ayaa Taliska Ciidammada Suudaan ee xukunka dalkaasi sida ku meel-gaadhka ah gacanta ugu haya u soo jeedisay inay u soo gacan-geliyaan Madaxweynihii Xilka laga tuuray Omar Hassan Al Bashir, kaasi oo hadda ku jira Xabsi ku yaalla Magaalada Khartoum.

Xeer-ilaaliyaha ama Dacwad oogaha Maxkamadda ICC Fatou Bensouda oo Arbacadii hadashay waxay sheegtay in Al-bashiir loo haysto dambiyo ka dhacay Waqooyiga Gobolka Darfur.

Fatou Bensouda oo Golaha Ammaanka ee Qaramada Midoobay u sheegtay in inkasta oo aan la hubin Mustaqbalka Suudaan, haddana ay tahay wakhtigii wax la qaban lahaa, laakiin waxay si gaar ah uga hadashay dambiyada loo haysto Al-bashiir “Al-bashiir waalla xidhay, waxaana lagu soo oogay dambiyo gudaha ah..” ayay tidhi, waxayna intaa ku dartay “Suudaan waxa waajib ka saaran tahay inay eedaysanayaasha u gudbiso ICC.”

Laba Waaran oo la doonayo in lagu soo qabto Al-bashiir ayaa Maxkamaddu soo saartay sanadihii 2009 iyo 2010, iyadoo loo haystay Shan Dambi oo Bani-aadamnimiada ka dhan ah, kuwaasi oo ka mid yihiin Dil, burburin, Jidh-dil iyo kufsi.

Laakiin, Golaha Milletariga Suudaan ee haya xukunka dalkaasi ayaa markii Al-bashiir la xidhay sheegay in aanay u gacan-gelinayn ICC.

 

Horn Cable Tv

Waaxda ONLINE-ka

COMMENTS

%d bloggers like this: