Agaasimihii Shaqo-gelinta Oo Xilka Laga Qaaday

Agaasimihii Shaqo-gelinta Oo Xilka Laga Qaaday

Axmad Shide Oo Loo Doortay Gudoomiyaha XDSHSI
Kofi Annan Oo Geeriyooday
Golaha Wakiilada Oo Ansixiyey Xubno Ka Mid Ah Guddida Cusub Ee Doorashooyinka Somaliland
Wasiirka Horumarinta Caafimaadka Oo Dhagax Dhigay MCH Laga Dhisi Doono Xafadda Hodan Hills.
Saylici Oo U Tanaasulay Saajin

Hargeysa (HCTV) – Madaxweynaha Somaliland Md. Muuse Biixi Cabdi sameeyay xil ka qaadis iyo Magacaabis.

Madaxweynaha ayaa xilka ka qaaday Agaasimihii guud ee Wasaaradda Shaqo-gelinta iyo Arrimaha bulshada Maxamed Cilmi Aadan (Ilka-casse), waxaana halkiisii loo Magacaabay Agaasimihii ee Wasaaradda Qorshaynta, halka Masuul cusub loo Magacaabay Agaasimaha Qorshaynta.

Sidaana waxa lagu sheegay Wareegtada Madaxweynaha Somaliland oo soo gaadhay HCTV, taasi oo iyadoo dhamaystiran u qornayd sidan:-

Madaxweynaha Jamhuuriyadda Somaliland, Mudane Muuse Biixi Cabdi waxa uu wareegto madaxweyne oo summadeedu tahay JSL/XM/XKQ/222/1-330/062019, uu Xilka qaadis, bedel iyo Magacaabid ku sameeyey xubno ka mida xukuumadda.

Waxaanay u dhignayd Wareegtada Madaxweynuhu Sidan:-

Wareegto Madaxweyne

UJEEDDO: XIL KA-QAADIS

Ku: Maxamed Cilmi Aadan (Ilka Case)
Agaasimihii Hore ee Wasaaradda Shaqo-galinta, Arrimaha Bulshada iyo Qoyska.

Og: Wasiirka Wasaaradda Shaqo-galinta, Arrimaha Bulshada iyo Qoyska

Mudane, Sida aad la socoto, xilka Qaranka ayey sunnihiisa tahay in uu meerto noqdo, oo loo dhiibo hadba ciddii hannan karta. Sidaa darteed, waxaan gartay in laga bilaabo taariikhda maanta aan kaa qaado xilkii aad haysay ee Agaasimaha Guud ee Wasaaradda Shaqo-galinta, Arrimaha Bulshada iyo Qoyska. Waxaan kaaga mahad-celinayaa muddadii aad haysay xilka Qaranka ee kor ku xusan.

UJEEDDO: MAGACAABID

Markaan Arkay: Qodobka 90aad ee Dastuurka Jamhuuriyadda Somaliland;

Markaan Tixgeliyey: Ahmiyadda ay Agaasimayaasha Guud u leeyihiin Dhismaha Qaranka;

Markaan Ka Fiirsaday: Aqoontooda, Kartidooda iyo Waaya-aragnimadooda;

Markaan Ku Qancay: In ay Hanan Karaan Masuuliyadda ka Dhalanaysa Xilalkan;

Waxaan Go’aamiyey;

1) In Agaasimihii Wasaaradda Qorshaynta iyo Horumarinta Qaranka Cabdirashiid Ibraahim Sheekh Cabdiraxmaan, laga bilaabo taariikhda maanta uu ahaado Agaasimaha Guud ee Wasaaradda Shaqo-galinta, Arrimaha Bulshada iyo Qoyska.

2) In Mubaarak Cabdillaahi Ibraahin, laga bilaabo taariikhda maanta uu ahaado Agaasimaha Guud ee Wasaaradda Qorshaynta iyo Horumarinta Qaranka..”

ALLAA MAHAD LEH

Muuse Biixi Cabdi 
Madaxweynaha JSL.

 

COMMENTS

%d bloggers like this: