UK Oo Shuruud Ku xidhay Siidaynta Markab Shidaal Oo IRAN Leedahay

HomeSomali News

UK Oo Shuruud Ku xidhay Siidaynta Markab Shidaal Oo IRAN Leedahay

Wasaarada Biyaha Somaliland Oo Heshiis Isfaham (MoU) La Gashay Jaamacada Mekkele university
Dhisme 7 Dabaq Ah Oo Ku Burburay Cambodia
Gabadh Ku Dhalatay Gacmo La’aan Oo Imtixaankii Dugsiga Kaga Soo Qaaday A+
Wefti Eritrean Ah Oo Socdaal Ku Tagay Sudan
Markab Siday Shidaal Iran Leedahay Oo La Qabtay

UK (HCTV) – Dawladda boqortooyada Ingiriiska ayaa doonaysa inay siidayso Markab Shidaal siday oo ay ka qabatay Dawladda Islaamiga ah ee IRAN bishii hore.

Ingiriiska ayaa Markabka siidaynaya, haddii Jamhuuriyadda IRAN dammaanad-qaadi karto in Shixnadda uu sido Markabka aan ka geynayn Dalka Suuriya, sidaa waxa sheegay Wasiirka Arrimaha dibedda ee Ingiriiska Jeremy Hunt, Sabtidii Shalay.

Xoghayaha Arrimaha dibedda Ingiriisku wuxuu sheegay inay Wasiirka Arrimaha dibedda ee IRAN ku wada xidhiidheen Khadka Telefoonka uu u sheegay in Ingiriisku uu fududaynayo siidaynta Markabka Iran, haddii ay dammaanad-qaadi karaan in shixnadda uu Markabku sido aan la geynayn Suuriya.

“Tani waxay ka mid tahay Cunaqabataymaha uu Midowga Yurub culayska ku saarayo Suuriya..” ayuu yidhi, Wasiirka Arrimaha dibedda Ingiriisku waxaanu intaa ku daray “Sababta Tallaabadan loo qaaday waa in Shidaalku u socday Suuriya oo la cunaqabateeyay, sababtu maaha inay ka timid IRAN..”

Wasiir Hunt waxa kale oo uu Warbaahinta u sheegay inuu Wasiirka Arrimaha dibedda ee IRAN u sheegay inay Markabka Grace 1 fududaynayaan sidii loo siidayn lahaa, haddii ay IRAN ka helaan Dammaanad ah inaanu Markabku Shixadda uu sido geynayn Suuriya.

 

Horn Cable Tv

Waaxda ONLINE-ka

 

COMMENTS