Madaxweynaha Puntland Oo Magacaabay Xubno Wasiirro Cusub

HomeSomali News

Madaxweynaha Puntland Oo Magacaabay Xubno Wasiirro Cusub

Nairobi: Xisbiyada Somaliland Oo Kulan La Yeeshay Wakiilka IGAD Ee Somalia
Axmed Madoobe Oo Ku Baaqay In Gacanta Jubbaland Lagu Soo Celiyo Gobolka Gedo
Sababta Dib Loogu Dhigay Xafladdii Maanta Lagu Caleemo-saari Lahaa Madaxweynaha Jubbaland
Lix Qof oo maalin walba Miidaamo ugu dhinta dunida
Markab Turkigu Leeyahay Oo Budhcad Badeed Ku Afduubtay Galbeedka Afrika Oo Hal Qof Ku Dhintay

Garoowe, (HCTV) – Madaxweynaha maamul gobolleedka Puntland, Saciid Cabdullaahi Deni ayaa magacaabay Wasiiru-dowlayaal iyo Wasiir ku-xigeenno, sida lagu sheegay Qoraalka ka soo baxay xafiiska madaxweynaha, kaas oo u dhignaa sidan:-

Markuu arkay: Dastuurka Puntland Qodobkiisa 80aad farqadiisa 5aad.

Markuu la tashaday: Madaxweyne Ku-xigeenka Puntland.

Markuu tixgeliyey: Baahida loo qabo dhamaystirka Golaha Xukuumadda Puntland oo aqoon, karti iyo waaya aragnimo uleh xilalka loo igmaday.

Markuu garawsaday: Shaqada baaxadda weyn ee shacabka Puntland ka sugayo xukuumadda.

Wuxuu xeeriyey:

Magacaabidda Wasiiru-Dowleyaal iyo Wasiir Ku-xigeeno ka tirsan Golaha Xukuumadda Puntland, waxayna kala yihiin:

Wasiiru-Dowleyaal:

  1. Waxaa Yuusuf Maxamed Wacays (Dhedo) loo magacaabay Wasiiru-Dowlaha Wasaaradda Dekedaha iyo Gaadiidka Badda.
  2. Waxaa Maxamed Xasan Ciise loo magacaabay Wasiiru-Dowlaha Madaxtooyada ee Xiriirka Goleyaasha.
  3. Waxaa Axmed Shire Siciid loo magacaabay Wasiiru-Dowlaha Wasaaradda Xanaanada Xoolaha.
  4. Waxaa Fardowso Cismaan Cigaal loo magacaabay Wasiiru-Dowlaha Wasaaradda Shaqada, Shaqaalaha, Dhallinyarada iyo Ciyaaraha.
  5. Wasiir Ku-xigeeno :
  6. Waxaa Cabdullaahi Cabdisalaan Xasan loo magacaabay Wasiir ku-xigeenka Wasaaradda Amniga iyo DDR-ta
  7. Waxaa Bashiir Jaamac Maxamed loo magacaabay Wasiir ku-xigeenka Wasaaradda Waxbarashada iyo Tacliinta Sare
  8. Waxaa Cabdicasiis Maxamuud Macallin loo magacaabay Wasiir ku-xigeenka Wasaaradda Duulista Hawada iyo Garoomada.
  9. Waxaa Sucaad Saalax Nuur loo magacaabay Wasiir ku-xigeenka Wasaaradda Deegaanka, Beeraha iyo Isbedelka Cimilada.

Sidoo kale madaxweynaha dowlad gobolleedka Puntland ayaa u magacaabay guddoomiyaha gobolka Bari Cabdisamad Yuusuf Maxamed halka guddoomiyaha gobolka Gartafuulna uu u magacaabay Muuse Saalax Guulleed.

HORN CABLE TV,

WAAXDA ONLINE-KA.

COMMENTS