Madaxweynaha Somaliland Oo Qaabilay Wefti Ka Socda Denmark

HomeSomali News

Madaxweynaha Somaliland Oo Qaabilay Wefti Ka Socda Denmark

Shiinaha Oo Diyaarado Dagaal Oo Hor Leh U Diray Taiwan Oo Maamus U Samaynaysa Madaxweynahoodii Hore Ee Geeriyooday
Kenya: Agaasimihii Shirkadda Safaricom Oo Xanuunka cancer-ka U Geeriyooday
New York: Amiirka Qadar Oo Ka Hadlay Is-Balaadhinta Israel Iyo Xiisada Gobolka
Britain Oo Wax Aan La Aqbali Karin Ku Tilmaantay Qabsashada Markabkooda
Madaxweyne Farmaajo Oo Cafis U Fidiyey 148 Maxbuus

Hargeysa (HCTV) – Madaxweynaha Somaliland Md. Muuse Biixi Cabdi ayaa Maanta xafiiskiisa ku qaabilay  Safiirka Denmark u qaabilsan Somaliland iyo Soomaaliya Amb. Mette Knudsen oo ay wehelinayso ku xigeenkeedu Nina Berg, kuwaasi oo booqasho ku yimid Hargeysa.

Sidaana waxa lagu sheegay War-saxaafadeed ka soo baxay Madaxtooyada, kaasi oo isagoo dhamaystiran u qornaa sidan “Madaxweynaha Jamhuuriyadda Somaliland, Mudane Muuse Biixi Cabdi, waxa uu xafiiskiisa ku qaabiley Safiirka Denmark u qaabilsan Somaliland iyo Soomaaliya Amb. Mette Knudsen oo ay wehelinayso ku xigeenkeedu Nina Berg.

Waxaana kulankaa lagaga wada hadlay xoojinta xidhiidhka labada dal, iskaashiga mashaariicda horumarinta ee ay Somaliland ka hesho sanduuqa horumarinta Somaliland ee (SDF), oo ay dawladda Denmark qayb ka tahay, sidii loo dardar gelinlahaa korna loogu qaadi lahaa sannadkan cusub ee 2020-ga, sidoo kale waxa laga wada hadlay arrimaha doorashooyinka Somaliland.

Ugu danbayntiina waxa kulankaa lagu soo qaaday nabadgelyada mandaqadda Geeska Afrika sidii loo adkayn lahaa loogana wada socon lahaa.

Waxaana Madaxweynaha Kulanka ku wehelinaayey Madaxweyne Ku xigeenka Somaliland, Mudane Cabdiraxmaan Cabdilaahi Ismaaciil (Saylici), wasiirrada wasaaradaha Arrimaha Gudaha, Mudane Maxamed Kaahin Axmed iyo Xannaanada Xoolaha iyo horumarinta Kalluumaysiga, Mudane Siciid Sulub Maxamed…”

 

ALLAA MAHAD LEH

Maxamuud Warsame Jaamac

Af-hayeenka Madaxweynaha JSL.

COMMENTS