Madaxweyne Farmaajo Oo Cafis U Fidiyey 148 Maxbuus

HomeSomali News

Madaxweyne Farmaajo Oo Cafis U Fidiyey 148 Maxbuus

Dad Dalbanaya In La Bakhtiiyo Kaymaha Amazon Oo Dalalka Dunida Isugu Soo Baxay
Ururka SOLJA Iyo Komishanka Xuquuqal Insaanka Oo Tababar U Qabtay Suxufiyiinta Togdheer
Somaliland Oo Beenisay In Puntland Idaacad Keentay Bariga Gobolka Sanaag
Xubno Ka Tirsan Al-shabaab Oo Lagu Arkay Deegaano Ka Tirsan Laasqoray
Saylici Oo Kulan La Yeeshay Ganacsato Danaynaya Inay Somaliland Maalgashadaan

Muqdisho, (HCTV) – Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo oo xoojinaya dadaallada ku aaddan ka hortagga cudurka Koroona ayaa Cafis Madaxweyne u fidiyey 148 maxbuus oo u xukunnaa dambiyo fudud.

Madaxweynaha  ayaa soo saaray xeerka cafinta xukumaneyaashan kaddib warbixin ku saabsan xaaladda maxaabiista dalka oo uu u soo gudbiyey xeer Ilaaliyaha guud ee Qaranka Abuukaate Suleymaan Maxamed Maxamuud.

Sidoo kale, Madaxweynaha Jamhuuriyadda ayaa faray Taliska Asluubta Soomaaliyeed oo kaashanaya Wasaaradda Caafimaadka in ay dadaal mug weyn geliyaan badqabka caafimaad ee maxaabiista ku jira xabsiyada dalka, si looga hortago halista caafimaad oo ay u nugul yihiin.

Si  waafaqsan Qodobka 90-aad ee Dastuurka Kumeel-gaarka ah ee Jamhuuriyadda  Federaalka Soomaaliya waxa uu Madaxweynuhu xukumaneyaashan u fidiyey  cafis Madaxweyne, iyada oo la xaqiijiyey in dhammaantood aysan u  xukunneyn falal danbiyo culus.

Cafiskan oo aan saamayn ku yeelan doonin xuquuqda madaniga ah waxaa fulin doona Xafiiska Xeer Ilaaliyaha Guud ee Qaranka iyada oo la raacayo awaamiirta ku xusan xeerkan.

HORN CABLE TV,

QAYBTA ONLINE-KA.

COMMENTS