Cumar Filish Oo Sheegay In 500 Qof Ay Muqdisho Ku Dhinteen 12-Kii Maalmood Ee U Dambeeyay

HomeSomali News

Cumar Filish Oo Sheegay In 500 Qof Ay Muqdisho Ku Dhinteen 12-Kii Maalmood Ee U Dambeeyay

Tirada Wasiiradda Puntland Ee Laga Helay COVID-19 Oo Gaadhay 4 Xubnood
Xukuumadda Oo Loogu Baaqay Inay Siidayso Dad Ay Carruuri Ka Mid Yihiin Oo 13 Bilood Xukun La’aan Xidhan
Somaliland: 13 Qof Oo Laga Helay Covid_19 Iyo Tirada Guud Oo Ku Dhow 500
Xuska 18-ka May Oo Berbera Badda Iyo Berigaba Si Balaadhan Loogu Dabaal Degay
Uganda Oo Lagu Arkay Qof Qaba Cudurka Ebola

Muqdisho (HCTV) – Guddoomiyaha Gobolka Banaadir, ahna Duqa Magaalada Muqdisho Cumar Maxamuud Maxamed (Cumar Filish) ayaa sheegay in 12-kii Maalmood ee u dambeeyay ay Muqdisho ku Geeryoodeen Dad tiradoodu gaadhayso 500.

Guddoomiyaha oo hadal ka jeediyey Munaasibad lagu qabtay Magaalada Muqdisho, ayaa sheegay inay illaa bishii hore diwaangelinayeen Dadka ku Geeriyooda Magaalada Muqdisho, sidaasi darteedna ay diwaangelintaa ku ogaadeen in Maalinba ay Muqdisho ku dhintaan Dad gaadhaya tirada u dhaxaysa 20 illaa 50.

“Xafiiska Raysal-wasaare Khayre ayaa na faray inaan baadhis ku samayno dadka ku dhinta magaalada Muqdisho, tira-koobka waxaan biloownay 19-kii bishii hore, waxaan maalin walba gudbinaa tirada dadka dhinta, tiradii ugu yareeyd waxay ahayd 22 qof, tiradii ugu badneeyd oo aan u gudbinay xafiiska Raysal-Wasaaraha waxaay ahayd 49 qof. Tirada guud waxay noqoneeysaa 500 oo qof” ayuu sheegay Guddoomiyaha Gobolka Banaadir.

Dawladda Federaalka Soomaaliya ayaa dhawaan sheegtay in Qof kasta oo ku Geerida Dalka ay u diwaangelin doonto inuu u dhintay Covid_19 oo ku faafay deegaannada Soomaalida ee Geeska Afrika.

 

Horn Cable Tv

Waaxda ONLINE-ka

COMMENTS