Madaxweynaha Somaliland Iyo Weftigii Uu Hoggaaminayey Oo Si Ballaadhan Loogu Soo Dhaweeyey Gobolka Togdheer

Madaxweynaha Somaliland Iyo Weftigii Uu Hoggaaminayey Oo Si Ballaadhan Loogu Soo Dhaweeyey Gobolka Togdheer

Xisbiga Waddani Oo Ka Hadlay Mawqifkiisa Wadahadalada Somaliland Iyo Somalia Ee Dalka Jabuuti
Wasiiru Dowlihii Wasaaradda Cadaaladda Hirshaballe Oo Muqdisho Ugu Geeriyooday Coronavirus
Abaar Halis Galisay Nolosha Dadka Iyo Duurjoogta Dalka Zimbabwe
“Guddoomiyaha Garabka Dhallinyarada, Waalla Jidh-dilay..” WADDANI
Dagaal Ciidamada Somaliland Iyo Puntland Ku Dhexmaray Tukaraq

Burco, (HCTV) – Madaxweynaha Jamhuuriyadda Somaliland, Mudane Muuse Biixi Cabdi iyo weftigii ballaadhnaa ee uu hoggaaminayey oo hawlo shaqo ku joogay qaar kamid ah gobollada dalka, ayaa maanta gaadhay xarunta gobolka Togdheer ee Burco, waxana halkaas si aan kala hadh lahayn oo waddaniyad iyo jacayl ka muuqdo ugu soo dhaweeyey guud ahaanba qaybaha kala duwan ee bulshada ku dhaqan magaalada Burco oo isku duuban.

Shacabka ku dhaqan magaalada Burco oo ay hormuud u yihiin, maamulka gobolka iyo degmada Burco, madax-dhaqameedka, haweenka, dhallinyarada, aqoonyahanka, xildhibaannada iyo siyaasiyiinta oo ay weheliyaan wegen fardo ahi, ayaa madaxweynaha iyo weftigiisa kaga hortegay deegaannada  Karasharka iyo Qoyta oo dhinaca waqooyi galbeed ka xigta magaalada burco, waxana ay dhinaca magaalada ugu soo galbiyeen gammaan fardo ah oo si weyn u carbisan, kuwaas oo hareeraha ka socday gaadiidka madaxweynaha.

Soo dhaweynta ay shacabka ku dhaqan magaalada Burco ku qaabileen madaxweynaha iyo weftigiisa, ayaa taxnayd ilaa shaaricyada waaweyn ee magaalada Burco, waxana uu madaxweynuhu mid mid u gacan qaaday madax-dhaqameed iyo waxgarad kala duwan oo waddooyinka u taagnaa soo dhaweyntiisa.

Bulshada ku dhaqan Burco oo aan u kala hadhin soo dhaweynta madaxweynaha, ayaa lulayey caleemo qoyan iyo calanka Jamhuuriyadda Somaliland, waxana wejiyadooda ka muuqday farxad iyo rayn-rayn ay ku qabaan aragtida weftiga madaxweynaha ee soo booqday gobolka Togdheer.

Wa-bilaahi Tawfiiq

COMMENTS

%d bloggers like this: