Gaashaandhiga Maraykanka Oo Sheegtay In Madaxweyne Trump Uu Amray In Ciidamadooda Laga Soo Saaro Soomaaliya

HomeSomali News

Gaashaandhiga Maraykanka Oo Sheegtay In Madaxweyne Trump Uu Amray In Ciidamadooda Laga Soo Saaro Soomaaliya

Qaraxii 3-Aad oo Todbaad Gudihii Ka Dhacay Muqdisho
Berbera: 8 Ka Mid Ah Wakiillada Maraakiibta Oo Xabsiga Loo Taxaabay
Kooxaha Muslim-nacaybka Caanka Ku Ah Oo Fursad Ka Dhiganaya Kiniisad Gubatay
Sudan Oo 29 Xubnood Oo Sirdoonka Ka Tirsan Xukun Ku Riday
Madaxweyne Biixi Oo Xilka Ka Qaaday Agaasimihii Cisbitaalka Guud Ee Hargeysa

Washington, (HCTV) – Waaxda Gaashaandhigga Mareykanka ee The Pentagon ayaa sheegeysa in madaxweyne Trump uu dalbaday in ku dhawaad dhammaan ciidamada Mareykanka laga soo saaro gudaha Soomaaliya ka hor inta uusan xilka wareeejin bisha soo socota.

Trump ayaa horey u amray in la dhimo tirada ciidamada Mareykanka ka jooga waddamada Afqaanistaan iyo Ciraaq.

Inkastoo hawlgalka Mareykanka ee Soomaaliya uusan sidaa u sii weynayn, haddana ciidamadaasi Mareykanka ee gaaraya 700 waxay door muhiim ah ka qaataan ololaha la dagaalanka Al-Shabaab iyo mintidiinta kooxda la baxday Dowladda Islaamka.

Lama oga saameynta arrintan ku yeelan karto dhanka ammaanka, iyadoo Mareykanka taageero siinayay Ciidamada Kumaandooska Soomaaliya oo uu ka taageerayay dhanka tababarada iyo Saadka.

Go’aanka uu Mareykanka ciidamadiisa ugala baxayo Soomaaliya ayaa ku soo aaday, iyadoo is bedel weyn ku yimid nidaamkii Trump oo looga adkaaday doorashadii dhowaan dhacday, waxaana Madaxweynaha cusub ee Mareykanka Joe Biden uu xilka la wareegi doonaa bisha soo socoto.

COMMENTS