Komishanka Doorashooyinka Somaliland Oo Madaxweynaha U Soo Gudbiyey Warqadda Cayimaada Qabsoomida Doorashooyinka Isku Sidkan

HomeSomali News

Komishanka Doorashooyinka Somaliland Oo Madaxweynaha U Soo Gudbiyey Warqadda Cayimaada Qabsoomida Doorashooyinka Isku Sidkan

Nairobi: Xisbiyada Somaliland Oo Kulan La Yeeshay Wakiilka IGAD Ee Somalia
Ramadan 2019: Faa’iidooyinka Caafimaad Ee Soonka
Ciidamo Kasoo Goostay Somaliland Oo Ku Biiray Ciidanka Korneel Caare.
Shaqaalaha Dekeda Berbera Oo Aqoon Korodhsi Kadib Shahaadooyin La Gudoonsiiyey
Somaliland: Tv-yada Oo La Dul Dhigay Amar Hoos Loogu Dhigayo Wararka Soomaaliya (Akhri)

Hargeysa, (HCTV) – Komishanka doorashooyinka qaranka Somaliland, ayaa madaxweynaha Jamhuuriyadda Somaliland, Mudane Muuse Biixi Cabdi u soo gudbiyey warqad sumaddeedu tahay Tix: KDQ/XK/002/2021, taas oo ujeeddadeedu tahay cayimaadda doorashooyinka isku sidkan ee goleyaasha wakiillada iyo deegaanka ee 2021.

Xubnaha komishanka doorashooyinka oo si rasmi ah u soo gebogebeeyey wejigii labaad ee diiwaangelinta cod-bixiyayaasha, ayaa sida sharcigu qorayo madaxweynaha qaranka usoo gudbiyey warqad ay ku cayimeen maalinta, bisha iyo sannadka ay doorashooyinka wakiillada iyo deegaanku qabsoomi doonaan, taas oo u qorshaysan 31/05/2021, si uu madaxweynuhuna ugu soo saaro wareegto rasmi ah.

Madaxweynaha Jamhuuriyadda Somaliland, Mudane Muuse Biixi Cabdi, ayaa xubnaha komishanka doorashooyinka uga mahadnaqay dedaalka ay geliyeen dhammaystirka wejiga labaad ee diiwaangelinta cod-bixiyaasha, waxana uu caddeeyey inuu ka madaxweyne ahaan diyaar u yahay oo ay ka go’an tahay sidii uu taageero buuxda u siin lahaa inay doorashadu ku qabsoonto wakhtiga ay komishanku u cayimeen, islamarkaana uu hawshaa doorashada muhiimad gaar ah siinayo, waxana isaga oo arrimahaas ka hadlaya uu yidhi, “Waxa inoo ballan ah inta doorashadaasi Illaahay idambkii ay nabad inoogu dhammaanayso inaynu dhammaan hareeraha ka joogno, waannu idin garab joogaynaa, hawsha waannu idinla wadanaynaa, dhibaatooyinka idin haysta, hawlaha iyo culaysyada ay leedahay waannu idiin tixgelinaynaa, wixii aannu idin la qaban karnonna waannu idin garab taaganahay.”

 

COMMENTS