Madaxweynaha Somaliland Oo Si Ballaadhan Loogu Soo Dhaweeyey Boorama, Mashaariicna Xadhiga Ka Jaray

HomeSomali News

Madaxweynaha Somaliland Oo Si Ballaadhan Loogu Soo Dhaweeyey Boorama, Mashaariicna Xadhiga Ka Jaray

USA: Joe Biden Oo Loo Soo jeediyey Inuu Qunsuliyado ka Furo Hargeysa Iyo 6 Magaalo Oo Kale
10 Qof Oo Ku Dhintay Qarax Miino Oo La Kacday Gaadhi Shacab Ah Oo Marayay Degaanka Lafoole
Madaxweynaha Somaliland Oo Qaabiley Safiirka Dalka Czech Republic Ee Fadhigiisu Yahay Addis-Ababa
Shan Qodob oo Somaliland Ka Dalbatay Emaaraadka.
50 Qof Oo Ku Dhintay Dhul Macdanta Laga Qodo Oo Ku Soo Dumay Dalka Myanmar

Boorama, (HCTV) – Madaxweynaha Jamhuuriyadda Somaliland, Mudane Muuse Biixi Cabdi iyo wefti ballaadhan oo uu hoggaaminayo oo hawlo shaqo ugu baxay gobollada Galbeedka dalka, ayaa si ballaadhan loogu soo dhaweeyey magaalada Boorama ee xarunta gobolka Awdal iyo magaalooyinka dhinaca bari kaga teedsan.

Shacabka ku dhaqan magaalooyinka Dilla, Tulli, Goroyo-cawl iyo Boorama, ayaa si aan kala hadh-lahayn madaxweynaha iyo weftigiisa usoo dhaweeyey, waxana iyagoo lulaya caleemo qoyan iyo calanka Jamhuuriyadda Somaliland ay madaxweynaha iyo weftigiisa ku qaabileen dariiqyada kala duwan ee magaalooyinkaas.

Sidoo kale, markii uu madaxweynuhu gaadhay magaalada Boorama, waxa uu xadhigga ka jaray Buundada weyn ee isku xidha Jaamacadda Faca-weyn ee Cammuud iyo magaalada Boorama oo uu hore madaxweynuhu u dhagax dhigay.

Hormuudka Jaamacadda, xubno kamid ah golaha wasiirrada iyo Injineerrada gacanta ku hayey Buundada Cammuud oo madasha hadallo kooban ka jeediyey, ayaa madaxweynaha ugaga mahadnaqay sida xilkasnimada leh ee uu ugu guntaday inay  buundadaasi dhammaato, waxana ay hoosta ka xarriiqeen inay dhismaha Biriishkaasi uu fududeeyey isu socodkii ardayda ee Jaamacadda iyo magaalada oo markii hore dhib badani ka taagnayd muddana dheerna baahi u qabay inay mar uun haleen biriish ay kaga gudbaan doxa si ay waxbarashada jaamacada uga soo gaadhaan wakhtiyada roobabka.

Wa-bilaahi tawfiiq

COMMENTS