AKHRI: Dadkii Isticmaalay ‘Faceapp’ Oo War Naxdin Leh Loo Sheegay

AKHRI: Dadkii Isticmaalay ‘Faceapp’ Oo War Naxdin Leh Loo Sheegay

Taliyaha Ilaalada Kacaanka Iiraan oo laga Xidhay Bartiisii Instagram
Wasiirka Maaliyada Somaliland Oo Sheegay In 6-dii Bilood Ee Ugu Horeeyey Sanadkan Qaadka Ay Ku Baxday $190 Milyan
Myanmar: Suxufiyiin Wakaalada Wararka Ee Reuters U Shaqaynayey Oo Xabsi Laga Sii Daayey
Cilad Maanta Ku Timid Facebook, Whatsapp Iyo Instagram (Akhri)
Maraykanka Oo Baaq U Diray Dawladda Federaalka Iyo Maamulada Somalia

USA (HCTV) – Hay’adda dambi baadhista federaalka Mareykanka ee FBI-da ayaa sheegtay in adeegga FaceApp iyo kuwa noociisa ah ee lagu sameeyay waddanka Ruushka ay sababi karaan “khatar weyn oo dhinaca sirdoonka ah”.

Hadalkan ayaa lagu sheegay warbixin loo diray Senetor u dhashay Mareykanka oo lagu magacaabo Chuck Schumer, kaasoo hore uga dalbaday FBI-da inay baadhitaan ku sameyso arrintaas.

Barnaamijkaas wejiyada dadka lagu baddalo ayaa aad loo isticmaalay horaantii sanadkan, balse wuxuu markii dambe dhaliyay walaac la xidhiidha dhinaca sirta shakhsiyadeed.

Warka ka soo baxay hay’adda FBI-da ayaa yimid xilli Mareykanka iyo meelo kale oo caalamka ka mid ah uu ka taagnaa walwal la xidhiidha khatarta amni ee ka dhalan karta teknoolojiyadda ay adeegsadaan waddamada dibedda.

Warqadda loo diray Mr Schumer, ayey hay’addu ku tidhi “Waxay arrintan khuseysaa barnaamij kasta oo telefoon lagu soo dajisan karo ama wax kasta oo noocaas ku saabsan oo lagu farsameeyay gudaha Ruushka, sida FaceApp, waxaana laga yaabaa inay keenaan halis dhinaca sirdoonka ah”.

Arrintan ayaa ka dhigan in barnaamijyadaas lagu xadi karo xogta dadka isticmaalay, sidoo kalena sawirradoodu ayna amnigooda sugneyn.

FBI-da waxay kale oo sheegtay inay tallaabo qaadi doonto haddii ay hesho wax caddeymo ah oo muujinaya in sirdoonka waddamada qaar ay faragalin siyaasadeed sameynayaan iyagoo adeegsanaya barnaamijyada ceynkaas ah.

Mas’uuliyiinta barnaamijka caan baxay ee FaceApp ayaan wali ka jawaabin codsi aan ugu dirnay inay ka hadlaan arrintan.

Barnaamijkan waxaa markii ugu horreysay daahfurtay shirkadda Wireless Lab,oo uu fadhigeedu yahay magaalada St Petersburg.

Hore waxay shirkaddaas u sheegtay inayna keydinin sawirrada dadka isticmaala barnaamijkeeda, wax xog ahna ayna arurinin.

Iyagoo faahfaahinayay sida aanu walaac uga iman karin adeeggooda ayey sheegeen in sawirrada ay falgaliyaan kadibna ay iska masaxaan.

Hoggaamiyaha aqlabiyadda ee aqalka Senate-ka Mareykanka, Mr Schumer ayaa bishii July codsaday in la baadho hannaanka uu ku shaqeeyo barnaamijka FaceApp ka dib markii walaac aad u xooggan la muujiyay.

Mareykanka gudihiisa ayaa hadda si weyn looga cabsi qabaa khatarta ka iman karta tiknoolijiyadda dibedda.

Dhawaan, xildhibaannada ayaa ka hadlay adeegga kale ee lagu magacaabo TikTok, kaasoo ah mid muuqaallada la iskula wadaago oo laga leeyahay dalka Shiinaha.

Barnaamijkaas, oo la rumeysan yahay inay isticmaalaan qiyaastii nus bilyan ruux oo caalamka ku kala sugan ayaa caan ahaa sannadihii lasoo dhaafay.

Caannimadaas ballaadhan ayaa sababtay walaac ku abuurmay suuqyada waddammada reer galbeedka, maaddaama adeeggaas laga leeyahay Shiinaha.

Sharcidajiyeyaasha Mareykanka, oo uu ka mid yahay Mr Schumer, ayaa bishii October dalbaday in hay’adaha sirdoonka ee waddankaas ay sameeyaan tijaabooyin la xidhiidha khatarta ay adeegga TikTok iyo kuwa kale ee laga leeyahay Shiinaha ku keeni karaan amniga qaranka.

 

Horn Cable Tv

Waaxda ONLINE-ka

Xigasho: BBC

 

COMMENTS

%d bloggers like this: