Madaxweynaha Somaliland Oo Qaabilay Wefti Ka Socda Denmark

Madaxweynaha Somaliland Oo Qaabilay Wefti Ka Socda Denmark

“Inta Muuqata Ee Loo Hadlayo Waxa Ka Badan Inta Aan La Arkayn Ee Dulmiga U Xidhan” Xoghayaha Waddani
Ethiopia Oo Xaqiijisay Qofkii Labaad Ee U Geeriyooda Coronavirus
Ramaax Oo Boolisku Dammaanad Ku Siidaayey
Borama: Taliyaha Booliska Awdal Oo Ka Hadlay Dhallinyaro Rasaas Ku Riday Saldhig
Taiwan Oo Noqotay Dalka Dunida Ugu Fiican Ka-Hor-Tagga Coid-19

Hargeysa (HCTV) – Madaxweynaha Somaliland Md. Muuse Biixi Cabdi ayaa Maanta xafiiskiisa ku qaabilay  Safiirka Denmark u qaabilsan Somaliland iyo Soomaaliya Amb. Mette Knudsen oo ay wehelinayso ku xigeenkeedu Nina Berg, kuwaasi oo booqasho ku yimid Hargeysa.

Sidaana waxa lagu sheegay War-saxaafadeed ka soo baxay Madaxtooyada, kaasi oo isagoo dhamaystiran u qornaa sidan “Madaxweynaha Jamhuuriyadda Somaliland, Mudane Muuse Biixi Cabdi, waxa uu xafiiskiisa ku qaabiley Safiirka Denmark u qaabilsan Somaliland iyo Soomaaliya Amb. Mette Knudsen oo ay wehelinayso ku xigeenkeedu Nina Berg.

Waxaana kulankaa lagaga wada hadlay xoojinta xidhiidhka labada dal, iskaashiga mashaariicda horumarinta ee ay Somaliland ka hesho sanduuqa horumarinta Somaliland ee (SDF), oo ay dawladda Denmark qayb ka tahay, sidii loo dardar gelinlahaa korna loogu qaadi lahaa sannadkan cusub ee 2020-ga, sidoo kale waxa laga wada hadlay arrimaha doorashooyinka Somaliland.

Ugu danbayntiina waxa kulankaa lagu soo qaaday nabadgelyada mandaqadda Geeska Afrika sidii loo adkayn lahaa loogana wada socon lahaa.

Waxaana Madaxweynaha Kulanka ku wehelinaayey Madaxweyne Ku xigeenka Somaliland, Mudane Cabdiraxmaan Cabdilaahi Ismaaciil (Saylici), wasiirrada wasaaradaha Arrimaha Gudaha, Mudane Maxamed Kaahin Axmed iyo Xannaanada Xoolaha iyo horumarinta Kalluumaysiga, Mudane Siciid Sulub Maxamed…”

 

ALLAA MAHAD LEH

Maxamuud Warsame Jaamac

Af-hayeenka Madaxweynaha JSL.

COMMENTS

%d bloggers like this: