Soomaaliya: Wasiirkii Amniga Jubbaland Ee Muqdisho Ku Xidnaa Oo Baxsaday

Soomaaliya: Wasiirkii Amniga Jubbaland Ee Muqdisho Ku Xidnaa Oo Baxsaday

“Waxaanu Haynaa Liiska 30 Wariye Oo Laga Masruufo Somalia” Xukumada Somaliland
Xuutiyiinta Oo Diyaarad Kale Oo Aan Duuliye Lahayn Ku Duqeeyey Madaarka Jizan Ee Sucuudiga
Faysal Cali Waraabe Oo Faahfaahiyey Qodob Xisbiyadu Isku Fahmi La’yihiin
Afrika: Baaskiilkii U Horreeyay Ee Ambilaas Ah Oo La Hirgeliyey
Dhulgariir Xoogle Oo Ruxay Philippine Iyo Khasaaraha Ka Dhashay

Muqdisho (HCTV) – Wasiirkii hore ee Amniga ee Maamul-gobolleedka Jubbaland Cabdirashiid Xasan Cabdi-Nuur (Janan) ayaa ka baxsaday Gacanta Dawladda Federaalka Soomaaliya, kaasi oo dhowrkii bilood ee u dambeeyay u xidhnaa, ka dib markii laga qabtay Garoonka diyaaradaha ee Magaalada Muqdisho, iyadoo lagu eedeeyay dambiyo kala duwan.

Baxsashadiisa ayaa waxa xaqiijisay Taliye ku-xigeenka Ciidammada Booliska Soomaaliya Sakiya Xuseen oo Qoraal ku baahisay barta ay ku leedahay Twitter-ka.

Taliye ku-xigeenka Booliska Soomaaliya ma faahfaahin sida ay Cabdirashiid Janan ugu suurto-gashay inuu ka baxsado goob gaar ah oo uu Dawladda Soomaaliya ugu xidhnaa, balse waxay sheegtay in Hay’adaha amnigu baadi-goobayaan.

General Zakiya waxay Shacabka ka codsatay inay Booliska la soo socodsiiyaan, haddii ay meel uun ku arkaan Cabdirashiid-janan.

Cabdirashiid-janan ayaa laga qabtay Garoonka diyaaradaha ee Aadan Cadde ee Magaalada Muqdisho, xilligii dib loo doortay Madaxweynaha Jubbaland Axmed-madoobe oo Xurguf weyni u dhaxayso Dawladda Federaalka ee uu hoggaamiyo Madaxweyne Farmaajo.

 

Horn Cable Tv

Waaxda ONLINE-ka

 

COMMENTS

%d bloggers like this: