Xukuumadda JSL Oo Go’aamiyey In Maxkamadda Sare Loo Gudbiyo Go’aan-ka-gaadhista Doorashooyinka

Xukuumadda JSL Oo Go’aamiyey In Maxkamadda Sare Loo Gudbiyo Go’aan-ka-gaadhista Doorashooyinka

” Ina Cismaan Geelle Waa Loo Xoog Sheegtay, In Xoolihiisa layska Qaataa Waa inagu Ceeb” Eng Faysal.
Ethiopia oo Faahfaahisay Weeraro ay ka Fulisay Gudaha Soomaaliya.
Daanyeer lagu Eedeeyay inuu Liqay Lacag Malaayiin ah, Maalmihii Ciidda.
Nigeria: Wasiir Baarlamaanka Ku Wargeliyey Dad Sabaayad Ka Dalbada London
Kenya oo Shaacisay Dalal ay ku Eedaysay Inay Hurinayaan Muranka Badda Soomaaliya.

Hargeysa (HCTV) – Golaha Wasiirrada Somaliland ayaa Go’aamiyey in Maxkamadda Sare Loo Gudbiyo Go’aan-ka-gaadhista Doorashooyinka, maaddaama oo uu dalka ka taagan yahay Khilaaf ku saabsan in doorashada Wakiillada lagu galo bilaa Saami-qaybsi iyo in kale.

Sidaana waxa lagu sheegay War-saxaafadeed laga soo saaray Shirkii Golaha Wasiirrada ee Khamiista Maanta, kaasi oo isagoo dhamaystiran u qornaa sidan “Fadhigii 62aad ee golaha wasiirrada Jamhuuriyadda Somaliland ku yeeshay habka Maqalka iyo Muuqaalka (Video Conference) oo uu shir-guddoominayey Madaxweynaha Jamhuuriyadda Somaliland, Mudane Muuse Biixi Cabdi, ayaa lagaga dooday qabsoomidda doorashooyinka isku sidkan ee wakiillada iyo deegaanka, iyada oo sidoo kalena lagu ansixiyey siyaasado qaran.

Ugu horrayn wasiir ku xigeenka wasaaradda arrimaha gudaha, ayaa golaha warbixin guud ka siiyey xaaladda nabad-gelyada dalka. Sidoo kale wasiirka isgaadhsiinta iyo Tiknoolajiyada ayaa golaha warbixin ka siiyey hirgelinta nidaamka E-government iyo halka uu marayo isagoo wasiirku tilmaamay ahmiyadda uu u leeyahay dalka.

Wasiirka wasaaradda horumarinta maaliyadda ayaa golaha warbixin dheer ka siiyey xaaladda dhaqaale ee dalka iyo saamaynta uu ku yeeshay safmarkii xanuunka karoona Fayris (Corona-virus), wuxuuna wasiirku golaha horkeenay siyaasadda haykalka guud ee dhaqaalaha iyo maaliyadda ee saddexda sanno ee soo socda 2021-2023, si aragti guud iyo saadaalin runa looga helo geeddi-socodka dhaqaalaha iyo maaliyadda Dalka, loona hubiyo in dakhli ururinta guduhu ku filan tahay daboolidda kharashaadka dawladda iyo mashaariicda horumarineed ee mudnaanta leh, waxayna siyaasaddani jaangoynay samaynta miisaaniyad-sanadeedka 2020 -2021.

Dhinaca kale, wuxuu goluhu ansixiyey siyaasadda shaqo abuurka qaran ee Somaliland oo ay soo diyaarisay wasaaradda shaqo gelinta, arrimaha bulshada iyo qoyska.

Ugu danbayn waxa goluhu dood dheeer ka yeeshay qabsoomidda doorashooyinka isku sidkan ee wakiillada iyo deegaanka, wuxuuna goluhu go’aamiyey in loo gudbiyo maxkamadda sare ee Jamahuuriyadda Somaliland.”

ALLAA MAHAD LEH
Maxamuud Warsame Jaamac
Af-hayeenka Madaxweynaha JSL.

COMMENTS

%d bloggers like this: