Somaliland: Shirkii Golaha Wasiirrada Oo Sicir-bararka Lagu Soo Hadal-qaaday

Somaliland: Shirkii Golaha Wasiirrada Oo Sicir-bararka Lagu Soo Hadal-qaaday

Somaliland: Xukuumadda Oo Qaniintay Axmed Ismaaciil Samatar
Abiy Axmed Oo 100 Gabdhood Oo Ku Dhibaataysnaa Sudan Dib Usoo Celiyey
Somaliland Oo Diiday Xubno Soomaaliya U Magacowday Wada-hadallada
Kenya Oo Bilawday Mashruuca Afrika Ugu Balaadhan Ee Tamarka Laydhka Laga Dhalinayo Dabaysha
Guddida Qaban-Qaabada Shirka Dib-U-Heshiiisiinta Galmudug Oo La Iclaamiyey

Hargeysa (HCTV) – Kal-fadhigii 33-aad ee Golaha Wasiirrada Somaliland, ayaa waxa Maanta uu Madaxweyne Muuse Biixi u War-bixinno kaga dhegaystay qaar ka mid ah Wasiirrada, kuwaasi oo faahfaahin ka bixiyey halka ay marayaan shaqooyinka ay dalka uga masuulka yihiin.

Sidaana waxa lagu sheegay War Qoraal ah oo Telefiishanka Horn Cable ka soo gaadhay Madaxtooyada, kaasi oo isagoo dhamaystiran u qornaa sidan “Kal-fadhigii 33-aad ee golaha wasiirradda Jamhuuriyadda Somaliland, oo uu shir gudoominayey Madaxweynaha Jamhuuriyadda Somaliland, Mudane Muuse Biixi Cabdi, kuna wehelinaayey Madaxweyne ku xigeenka Somaliland, Mudane Cabdiraxmaan Cabdilaahi Ismaaciil (saylici), ayaa maanta oo ay taariikhdu tahay 25/04/2019, warbiximo lagaga dhegeystay wasiirrada wasaaraddaha Horumarinta Maaliyadda, horumarinta beeraha iyo horumarinta Biyaha.

Ugu horayn wasiirka wasaaradda horumarinta maaliyadda, Dr. Sacad Cali Shire ayaa golaha warbixin ka siiyey arrimaha dhaqaalaha dalka isagoo wasiirku isbarbar dhig ku sameeyey saddex biloodkii sannadkii hore Jan-march ee 2018-ka iyo saddex biloodka sannadkan 2019-ka ee bilaha Jan-march, waxaanu isdul taagay wasiirku isbedelka sanadkani ku yimid arrimaha dhoofka  (Export) iyo soo dejinta (Import) oo aad uga sareeya wakhtigan marka la barbar dhigo saddex biloodkii sanadkii tegay.

Waxa kale oo wasiirku uu xusay in hoos u dhac weyni ku yimid arrimaha sicir bararka (Inflation) oo isbedel balaadhan laga gaadhay marka loo eego sanadkii hore bishii march oo uu ahaa 18.9% halka sanadkan bisha march ka ahaa 7.0%. waxaanu wasiirku iftiimiyey in dhakhliga saddex biloodka Jan-March ee sanadkan 2019-ku uu sameeyey kor u kac gaadhaya 43%, marka la barbar dhigo saddex biloodkii Jan-march ee 2018-kii.

Dhinaca kale waxa goluhu warbixin ka dhegeysteen wasiirka Beeraha, Mudane Axmed Muumin Seed oo sharaxay xaaladda roob yaraanta ee sanadkan iyo dib u dhac ku iman doona wax beerista dalagyadii loo qorsheeyey inay ku baxaan roobabkii la filayey inay ku da’aan wakhtigii la sugayey sannadkan, waxaanu xusay wasiirku inay xooga saari doonaan beerista midhaha ku baxaya wakhtiga kooban sida qamandiga, gallayda IWM.

Sidoo kale wasiirka wasaaradda horumarinta biyaha, Mudane Saleebaan Yuusuf Cali Koore ayaa golaha u akhriyey warbixin la xidhiidha safar uu dhawaan ku soo maray qaar ka mid ah gobollada bariga, waxaanu wasiirku ku dheeraaday biyo yaraan soo foodsaartay dadka iyo duunyada ku dhaqan gobollada Sool, Sanaag iyo Saraar iyo baahida ay u qabaan inay helaan biyo ku filan wakhtigan.

Ugu danbayn goluhu isaga oo ka duulaya dareensanna ahmiyada ay doorashooyinku u leeyihiin qaranka Somaliland iyo inay ku qabsoomaan wakhtigoodii, waxay go’aamiyeen in hab sharciga waafaqsan looga gudbo caqabadaha siyaasadeed iyo dhaqaale ee ku gudban arrimaha doorashooyinka  la filayo inay dalka ka qabsoomaan sannadkan..”

 

Horn Cable Tv

Waaxda ONLINE-ka

COMMENTS

%d bloggers like this: